Hestamannafélagið Snæfellingur

23.01.2011 12:31

Folaldasýning

Folaldasýning 2011.

Laugardaginn 29. Janúar, kl. 13:00 ætlum við, í Söðulsholti, í samstarfi við Snæfelling að vera með folaldasýningu í Söðulsholti. Hver skráning kostar kr. 1.000 og hægt er að skrá hjá Einari í síma 899-3314 eða með tölvupósti til: einar@sodulsholt.is. Sýningin er öllum opin . Gefa þarf upp nafn og fæðingarnúmer folalds, lit, fæðingarstað, föður, móður, ræktanda og eiganda. Keppt verður í kynjaskiptum flokkum og svo velja gestir fallegasta folaldið.

Skráningargjald greiðist inn á reikning 0354-26-3970, kt. 271235-4539. Síðasti skráningardagur er fimmtudagur 27. Janúar.

Aðgangseyrir er kr. 1.000 á mann, sem greiðist við inngang í reiðufé, enginn posi. Innifalið í því eru kaffiveitingar- frítt fyrir börn 12 ára og yngri. Auðvitað vonumst við til að sjá sem flesta og góð hugmynd að gestir hafi með sér létta tjaldstóla til að geta hvílt lúin bein.

Hér er mynd af Dökkva frá Dalsmynni, sem vann í fyrra hestaflokkinn og áhorfendaverðlaunin

17.01.2011 20:02

Ótitlað

Fulltrúar hestamannafélaga á Vesturlandi og Hrossaræktarsambandi Vesturlands hafa ákveðið að efna til Vesturlandssýningar í reiðhöllinni Faxaborg, Borgarnesi, laugardaginn 26. mars 2011 kl. 20:00. Má segja að um sé að ræða tilraun til að endurvekja sýningar sem voru haldnar fyrir allt of löngu síðan af Vestlendingum í Víðidalnum og í Kópavogi.

Ætlunin er að sýna fram á og sanna að Vestlendingar eigi góðan og frambærilegan hestakost og hestafólk - jafnt unga sem aldna.

Þess er óskað að allir þeir sem hafa ábendingar um atriði sem eiga heima á sýningu sem þessari komi ábendingum á framfæri við þessa aðila:

Ámundi Sigurðsson amundi@isl.is gsm 892 5678

Baldur Björnsson baldur@vesturland.is gsm 895 4936

Stefán Ármannsson stefan@hroar.is gsm 897 5194 (aðallega tengiliður varðandi kynbótahross)

Þessir menn munu síðan væntanlega fá fleiri til liðs við sig til að velja sýningaratriði og jafnvel fá aðila til að sjá alfarið um ákveðin atriði.

Nú er áríðandi að allt hestafólk á Vesturlandi sameinist nú og sýni að á svæðinu séu góð hross og gott hestafólk.

Kveðja

f.h. Seláss ehf. (rekstraraðila Faxaborgar)

12.01.2011 10:16

KB Mótaröðin 2011

Dagskrá;
5. feb. Fjórgangur
26. feb. Gæðingakeppni (A-og B-flokkur)
19.mars Tölt og fimmgangur

KB-mótaröðin er opin liða- og einstaklingskeppni í hestaíþróttum sem haldin er á vegum hestamannafélaganna Faxa & Skugga í reiðhöllinni Faxaborg í Borganesi.

Fyrir þá sem ætla sér að vera með í liðakeppninni, þá þarf hvert lið að hafa sitt sérkenni og verða sérstök verðlaun veitt því liði sem þykir hafa sýnt skemmtilegustu liðsheildina. Auk þess verða 3 stigahæstu liðin verðlaunuð í lokin.

Gunnhildur Birna Björnsdóttir sá um að taka myndir af KB mótaröðinni veturinn 2010 og er hægt að skoða myndir á tenglinum hér að neðan.
http://picasaweb.google.com/gunnhildurbirna

Samantekt frá síðastliðnum vetri.
Þátttaka á mótin var mjög góð og ljóst er að þessi mótaröð hefur orðið til að efla mjög keppnis- og félagsanda hestamanna í Borgarfirði og Vesturlandi, því þátttakendur komu víða að og áhorfendur voru fjölmargir á öllum mótunum. Höllin góða, Faxaborg hefur gert þetta mögulegt og mun hún án efa spila stórt hlutverk í vestlenskri hestamennsku á næstu árum.

Á síðasta mótinu réðust úrslit í liða- og einstaklingskeppni og mátti glöggt finna spennu í höllinni þegar leið á forkeppni og ekki síður í úrslitum. Létu þar áhorfendur mjög til sín taka við að hvetja liðsfélaga áfram.

Til að kóróna verðlaunaflóðið "ruddi" Gunnar Halldórsson bóndi í Þverholtum sig og keypti laglegan farandbikar handa vinsælasta knapanum. Það voru áhorfendur sem völdu knapann og í þetta sinn kom hann í hlut Gyðu Helgadóttur á Mið-Fossum.

Liðakeppnin á stóran þátt í því hversu mikill áhugi var fyrir þessari mótaröð og voru margir sótraftar á flot dregnir til að styrkja einstök lið og tryggja dýrmæt stig. Liðakeppnina og stigaútreikninginn má útfæra á ýmsan hátt og ekki víst að hann verði eins á komandi mótaröð en það verður nánar auglýst síðar. Andinn er þannig að nú stefna menn fram, harðákveðnir í að gera þetta enn gæsilegra og enn skemmtilegra í ár.

Vonumst til að sjá sem flesta á komandi mótaröð!!
Mótanefnd Faxa & Skugga.

10.01.2011 22:55

Ótitlað

Kviða frá Brimilsvöllum.

1V merin Kviða is1999237405 frá Brimilsvöllum ræktandi Tryggvi Gunnarsson,

Eigendur Gunnar og Veronica Brimilsvöllum B 7,91 H 8,14
Faðir, Hrafn frá Brimilsvöllum

Móðir, Kvika frá Hamraendum

10.01.2011 22:40

Sýnikennsla

Mette Moe Mannseth

Sýnikennsla með Mette Moe Mannseth verður í reiðhöllinni Faxaborg í Borgarnesi laugardagskvöldið 15. Janúar n.k. kl. 18.30 Aðgangur aðeins 1500kr.

Mette er óþarft að kynna sérstaklega, hún hefur náð frábærum árangri í bæði sýningum og keppni, með fallega og vel þjálfaða hesta.

Þetta er önnur sýnikennslan sem hún heldur að þessu sinni í Faxaborg. Það verður fræðandi og gaman að sjá hvernig hún heldur áfram að sýna okkur þær aðferðir sem hún notar við þjálfun og uppbyggingu sinna hesta.

Það er tilvalið nú í byrjun vetrar að rifja upp, læra nýjar aðferðir og fá hugmyndir um þjálfun á hestunum okkar. Hvetjum allt áhugafólk um þjálfun hesta og reiðmennsku að láta þetta tækifæri ekki fram hjá sér fara.

Aðalfundur Snæfellings 2010.docx

08.12.2010 11:22

Fundargerð

Fundargerð frá aðalfundi 24 apríl

Skrifað af Siggu

03.12.2010 21:29

Uppskeruhátið

Uppskeruhátíðin tókst vel og var fín mæting.

Þetta er örugglega eitthvað sem er komið til að vera.

Hrefna og Gísli á Vegamótum reiddu fram veglegar veitingar.

Happadrættið tókst vel og fóru margir heim með góða vinninga.

Aðalvinninginn folatollur undir Dyn, fékk Hrefna á Vegamótum.

Ekki vantaði skemmtiatriðin.

Jökull og Diddi tóku lagið eins og þeim er einum lagið, eins tók litli frændi Didda lagið fyrir okkur, bráðefnilegur drengur þar á ferð. (afsakið, man bara ekki hvað hann heitir)

Lárus, Erna Rut og Hólmgeir komu og tóku nokkur lög.

Þökkum við þessum aðilum innilega fyrir góða skemmtun.

Veittar voru viðurkenningar fyrir góðan árangur á árinu.

Efnilegasti knapinn Borghildur Gunnarsdóttir

Knapi ársins Siguroddur Pétursson

Svo voru veitt verðlaun fyrir ræktunarstarf

þetta er þeir stóðhestar sem fengu verðlaun sem hæstu dæmdu stóðhestarnir í hverjum árgangi hjá Snæfelling

4 vetra Magni frá Hellnafellni 7.95 eigandi Kolbrún Grétarsdóttir

5 vetra Sporður frá Bergi 8.24 eigandi Jón Bjarni Þorvarðarson

6 vetra Uggi frá Bergi 8.47 eigandi Jón Bjarni Þorvarðarson

Hér koma svo hryssurnar

4 vetra Skriða frá Bergi 8.00 eigandi Jón Bjarni Þorvarðarson

5 vetra Brá frá Bergi 7.98 eigandi Anna Dóra Markúsdóttir

6 vetra Brán frá Ytri-Hofdölum 8.14 eigandi Anna Dóra Markúsdóttir

7 vetra Hera frá Stakkhamri 8.29 eigandi Lárus Ástmar Hannesson

Glæsilegur árangur hjá þeim og þess má geta að þau eru öll sammæðra Uggi, Sporður og Skriða.

Þotusköldurinn

Gunnar Kristjánsson fyrir störf að félagsmálum

Ræktunarbú ársins

Anna Dóra og Jón Bjarni

Bergi

Óskum öllum þeim sem fengu viðukenningar innilega til hamingju með góðan árangur á árinu.

Hér eru þeir Lárus og Hólmgeir

Erna Rut og Hólmgeir

Þökkum fyrir ánægjulegt kvöld og hlökkum til að ári.

http://hestafrettir.is/Frettir/9544/

03.12.2010 10:35

Mette Moe Mannseth

Sýnikennsla með Mette Moe Mannseth

Minnum á sýnikennslu með Mette Moe Mannseth í reiðhöllinni Faxaborg í Borgarnesi laugardagskvöldið 4. Desember n.k. kl. 1800. Það er tilvalið nú í byrjun vetrar að rifja upp, læra nýjar aðferðir og fá hugmyndir um þjálfun á hestunum okkar.

Hvetjum áhugafólk um þjálfun hesta og reiðmennsku að láta þetta frábæra tækifæri ekki fram hjá sér fara.

Aðgangseyrir aðeins krónur 1500 fyrir 12 ára og eldri.

02.12.2010 06:56

Hrossvest

Hrossaræktarsamband Vesturlands

AÐALFUNDUR OG HAUSTFUNDUR

Hrossaræktarsambands Vesturlands verður haldinn

04. desember n.k. kl. 13.30 í Hótel Borgarnesi.

Venjuleg aðalfundar- og haustfundarstörf.

Verðlaunuð verða: Efstu kynbótahrossin í hverjum flokki og Ræktarunarbú Vesturlands 2010.
Gestir fundarins verða Guðlaugur Antonsson hrossaræktarráðunaustur BÍ. Hann fer yfir hrossaræktina s.l. sumar, og Ingimar Sveinsson mun kynna ný útkomna bók sína Hestafræði Ingimars.

Stjórnin.

http://www.hrossvest.is/

30.11.2010 21:39

Sunna frá Grundarfirði

Það bætist í albúmið sýndar merar í eigu félagsmanna.

Þessa 1. verðlauna meri, Sunna frá Grundarfirði eiga Unnur og 'Oli.

Hún er undan Perlu frá Knerri og Safír frá Höskuldsstöðum

Hún fékk 7.98 fyrir sköpulag

8.40 fyrir hæfileika og er með 9 fyrir tölt.

Aðaleinkunn 8.23

Glæsileg meri sem þau eiga. Herkules frá Grundarfirði undan henni.

Ef þið eigið myndir af hryssum sem þið hafið farið með í dóm og langar að deila með okkur,

sendið póst herborgs@hive.is

Skrifað af Siggu

30.11.2010 20:11

Mótorhjól og hestar

Mótorhjól og hestar eiga enga samleið

Hestar hafa næma heyrn. Þeir eru viðkvæmir fyrir hátíðnihljóðum en heyra lágtíðnihljóð verr en mannfólkið.

Hestar hræðast bæði hljóð og hreyfingu mótorhjóla og þar sem þeir eru flóttadýr bregðast þeir við ógn með því að hlaupa eins og þeir eigi lífið að leysa. Við slíkar aðstæður skapast mikil hætta á slysum hjá hestamönnum og mikilvægt að mótorhjólamenn taki tillit til þessa

Mótorhjólamenn

- Ekki aka á reiðvegum

- Stöðvið hjólin og drepið á þeim, ef hestar eru í nánd

- Setjið hjólin ekki í gang fyrr en hestamenn eru örugglega komnir vel fram hjá

Hestamenn

- Notið áberandi fatnað og endurskin

- Verið í góðum tengslum við mótorhjólamenn

Virðum reglur og höfum samskiptin í lagi svo allir geti haft ánægju af sínu áhugamáli.