Karlareið

Árleg karlareið Hestaeigendafélags Grundarfjarðar verður haldin föstudaginn 3. júní.

Skráning er hjá Skarphéðni Ólafssyni í S:858 7943 fyrir kl 22:00 fimmtudagskvöldið 2. júní.

Þáttökugjald er kr. 3000, boðið verður upp á kjötsúpu og grundfirskt fjallavatn.

Mæting í karlareiðina er kl 17:00 við Fákasel.

Stjórn hesteigendafélags Grundarfjarðar

Hin árlega hestamannamessa er framundan hjá hesteigendafélaginu Hringnum í Ólafsvík.

Riðið verður til  messu á Brimilsvöllum sunnudaginn 29 maí.

Lagt verður af stað frá hesthúsunum í Fossárdal kl 13,

Þeir sem hafa áhuga á að vera með þurfa bara að vera mættir fyrir kl 13 í hesthúsin.

Um að gera að drífa sig með.

Nánari upplýsingar hjá Snævari formanni Hrings

Frakkur frá Langholti  IS2004187401verður á Vesturlandi á komandi sumri.

Aðaleinkunn 8,57. 

Frakkur var sýndur á Héraðssýningu á Sörlastöðum og gerði það gott.

Frakkur verður í Fellsöxl, á vegum Hrossaræktar sambands Vesturlands á komandi sumri.  Verð kr. 97.000  Nánar á  www.hrossvest.is

Hann hækkaði fyrir kosti upp í 8,85 og fyrir sköpulag í  8,14. Tölt og brokk 9.  Vilja og geðslag 9,5 og skeið 8,5, svo eitthvað sé nefnt. Frakkur er nokkuð jafn í byggingu, Háls herðar/bógar og bak og lend 8,5.  Annað 8,0

Ágæti hestamaður,

fyrir skemmstu opnaði Félag hrossabænda nýjan vef á slóðinni www.icehorse-experience.is

Við leitum til þín eftir hjálp við að virkja mátt internetsins til dreifingar á þessu kynningarefni.
Með því að senda öllum vinum og vandamönnum erlendis tengil inn á vefinn leggur þú þitt af mörkum til að kynna íslenska hestinn og hestaferðir á Íslandi.
Einnig má fara inn á vefinn og senda þar rafræn póstkort sem er skemmtileg leið til að vekja athygli á vefsíðunni.

Þeir hestamenn sem eru með eigin heimasíður geta líka óskað eftir að fá senda hnappa eða borða til að setja upp á eigin síðum með tengingu inn á vefinn. Þeir sem hafa áhuga á því geta haft samband við Félag hrossabænda í gegnum netfangið fhb@fhb.is

Á  www.icehorse-experience.is má sjá 12 mismunandi myndbrot, en ætlunin er að fjölga þeim og auka fjölbreytileika. Einnig er að finna á vefnum greinargóðar upplýsingar um íslenska hestinn og uppruna hans en hlutverk vefsins er að vekja athygli á hrossum fæddum á Íslandi og sérstöðu hrossaræktar og uppeldis hér á landi þar sem frelsið og víðáttan spila stórt hlutverk.

Eins og hestamenn vita setti smitandi hósti í hestum á síðast ári sitt mark á hestamennskuna og gríðarlegt tap varð í atvinnugreininni.
Því er nauðsynlegra en nokkru sinni fyrr að kynna íslenska hestinn, sækja á erlenda markaði og fara nýjar leiðir.

Með www.icehorse-experience.is er leitast við að prófa eitthvað nýtt og öðruvísi í markaðssetningu og kynningu íslenska hestsins og hestaferða á Íslandi.
Á vefnum má fara "á bak" í rafræna reiðtúra og kynnast íslenska hestinum í íslenskri náttúru. Myndskeið eru tekin upp frá sjónarhóli knapans og
áhorfandinn upplifir hvernig það er að sitja íslenskan hest og njóta náttúrunnar í leiðinni. Áhorfandinn heyrir taktinn, sér faxið flaksa í fang sér, horfir á umhverfi og samferðafólk og upplifir Ísland og íslenska hestinn beint í æð.

Leggjumst öll á eitt og hjálpumst við að kynna íslenska hestinn úti um heiminn!

www.icehorse-experience.is

Sæl,

Þau ykkar sem voruð hér í Hólminum á laugardaginn á íþróttamótinu, takk fyrir góðan dag.  Það sem einkenndi þetta mót voru allir nýju keppendurnir sem tóku þátt til hamingju með það.  Þessi breyting er eitthvað sem við skulum hlúa að og bæta í.

Setjum okkur það markmið að innan tveggja ára verði keppni félagsmanna Snæfellings orðin sú mesta sem gerist.

Ég legg því til að við stefnum öll á félagsmótið okkar þann 13. júní og við verðum þar með flokk fyrir minna keppnisvana þar sem inná eru 3 í einu og riðin svokölluð "sérstök" forkeppni.  Hún fer þannig fram að þulur stjórnar og er riðið þannig:

B: flokkur, hægt tölt, brokk og greitt tölt.

A: flokkur, tölt brokk og skeið  en einnig er gefin einkunn fyrir vilja og fegurð í reið í báðum flokkum.

Gaman væri ef einhver af þeim sem kepptu í minna vönum leggðu umræðunni til nokkrar línur til hvatningar fyrir aðra.

Bestu kveðjur

Lárus Ástmar

Það hefur verið ákveðið að selja peysur merktar Snæfellingi. Sýnishorn veða til mátunar í öllum stærðum (barna, dömu og herra) laugardaginn 21 maí á meðan íþróttamótið stendur yfir. Peysan kostar 4500 þar þar sem þær eru greiddar niður af fyrirtækjum og ræktunarbúum. Ég hvet alla til þess að koma máta og panta.

Þeir sem komast ekki á laugardaginn en hafa áhuga geta haft samband við Ásdísi í asdis@hrisdalur eða 8458828

Kær kveðja Ásdís

Opið hestaíþróttamót Snæfellings

Íþróttamót Hestamannafélagsins Snæfellings verður haldið í Stykkishólmi laugardaginn 21. maí.

Dagskrá hefst kl. 10:00, mótið verður flokkaskipt, keppt verður í opnum flokki og í flokki minna keppnisvanra í flokki fullorðinna, en að auki verður sérstök fjórgangskeppni fyrir þá sem eru óvanir í keppni. Mun Lárus Hannesson stjórna þessari keppni. Nánari upplýsingar hjá Lárusi í síma 898 0548

Dagskrá: (háð nægri þátttöku í öllum flokkum)

?? Forkeppni

Byrjendaflokkur fullorðinna, keppt verður í fjórgangi, keppni stjórnað af þul.

Pollaflokkur, bæði keppt í flokki polla þar sem er teymt og án teyminga.  Allir fá þátttökuverðlaun.

Fjórgangur: Opinn flokkur og minna keppnisvanir, barna-, unglinga- og ungmennaflokkur.

Fimmgangur: Opinn flokkur og minna keppnisvanir.

Tölt: Barna-, unglinga-, ungmenna-, opinn flokkur fullorðinna og minna keppnisvanir fullorðnir.  Byrjendaflokkur fullorðinna.

 ?? Úrslit

Fjórgangur: Barna-, unglinga- og ungmennaflokkur.  Minna keppnisvanir, byrjendur fullorðinna og opinn flokkur fullorðinna.

Fimmgangur: Opinn flokkur og minna keppnisvanir.

Tölt: Barna-, unglinga-, ungmenna- og opinn flokkur og minna keppnisvanir, byrjendaflokkur fullorðinna.

Gæðingaskeið: Opinn flokkur

100m skeið: Opinn flokkur

Skráningar fara fram með því að senda tölvupóst á netfangið hrisdalur@hrisdalur.is

Við skráningu þarf kennitölu knapa, skráningarnúmer hests og upp á hvora hönd knapi vill hefja keppni.

Tekið er við skráningum til miðvikudagsins 18. maí kl. 19.

Skráningargjald er 1.500 kr. fyrir hverja skráningu í öllum flokkum nema í barna- og unglingaflokki, en þar er skráningargjaldið kr. 500 fyrir hverja skráningu.

 Stjórn Snæfellings

Alþjóðlega NJF-ráðstefnan "Housing and management of horses in Nordic and Baltic climate" verður haldin á Hótel Loftleiðum dagana 6. og 7. júní nk.

Markmið ráðstefnunnar er að draga saman nýjustu rannsóknarniðurstöður og leiðbeiningar varðandi meðferð hrossa, bæði innan sem utanhúss, með sérstaka áherslu á nærumhverfi bæði hrossa og manna.
 
Fagsvið ráðstefnunnar verða fjölbreytt og spanna vítt svið eins og sjá má við lestur dagskrár hennar:

 http://www.njf.nu/site/seminarRedirect.asp?p=1004&intSeminarID=437&strSemInfoType=pro

 Á ráðstefnunni munu margir þekktir sérfræðingar í húsvist og aðbúnaði hrossa halda erindi. Aðalfyrirlesarar eru: dr. Eileen Fabian Wheeler (Háskólanum í Pennsylvaníu, Bandaríkjunum - margir þekkja hana sem höfund bóka um hönnun hesthúsa), dr. Eva Søndergaard (Agro Food Park, Danmörku), dr. Knut Bøe (Náttúruvísindaháskólanum í Noregi) og dr. Michael Ventorp (Landbúnaðarháskólanum í Svíþjóð). Auk þess eru fjölmargir aðrir fyrirlesarar, m.a. helstu sérfræðingar Íslands á sviði atferlis og aðbúnaðar hrossa. 

 
Ráðstefnan er ætluð öllu áhugafólki um hross og hestamennsku. Skráðu þig á: www.njf.nu eða með því að senda tölvupóst á ráðstefnustjóra hennar (Snorra Sigurðsson, Landbúnaðarháskóla Íslands): snorri@lbhi.is 

Athygli er vakin á því að íslenskir þátttakendur geta fengið 50% afslátt af ráðstefnugjaldi (borga þá 150 Evrur) óski þeir eftir því. Þetta kemur reyndar ekki fram á heimasíðunni, en stjórn ráðstefnunnar tók þessa ákvörðun og mun ráðstefnustjóri hafa samband við alla íslenska þátttakendur og bjóða þessi sérkjör. Viðkomandi skráir sig því eins og um fullt gjald væri að ræða en fær svo afslátt.