Frumtamninganámskeið

Tveggja helga námskeið í Söðulsholti:

Dagana 29.-30. Október og 12.-13. Nóvember

Kennari: Guðmundur M. Skúlason  Tamningamaður og Þjálfari FT

Haustið er góður tími til að frumtemja gæðingsefnin.

Á námskeiðinu kemur hver nemandi með tvö trippi og vinnur með báðar helgarnar.

 Allir þátttakendur fá heimaverkefni til að vinna með á milli helganna.

Það sem verður meðal annars farið yfir á námskeiðinu er:

Atferli hestsins (Hvernig hugsar hesturinn?)

Leiðtogahlutverk (hvað getur maður fengið hestinn til að gera?)

Undirbúningur fyrir frumtamningu (Við byrjum ekki að taka stúdentspróf í 1. Bekk!)

Frumtamning er grunnur að góðri tamningu á forsendum hestsins.

Tveir bóklegir tímar (sameiginlegir fyrir alla þátttakendur)

Átta verklegir tímar á hvern nemanda.

Samantekt í lok hvers dags þar sem farið er yfir verkefni dagsins og spurningum svarað.

Miðað er við að allir þátttakendur horfi á tímana hjá hinum og sjái mismunandi hestgerðir og hvernig þær bregðast við á mismunandi hátt.

Þá geta allir fengið mikið út úr námskeiðinu J

Námskeiðið kostar 19.000 kr á mann með hesthúsplássi frá föstudagskvöldi fram á sunnudag.

Skráning í síma:7702025 (Guðmundur)

Nánar auglýst þegar nær dregur.

·       Folaldasýningu í reiðhöllinni í Grundarfirði sunnudaginn 23. okt þar sem áhugamenn myndu dæma, áhorfendur fengju svo líka að kjósa.

·         Uppskeruhátið Snæfellings laugardaginn 12. nóvember

·   Stefna á 2 daga fyrir krakkana í reiðhöllinni í Grundarfirði, eins og var gert síðastliðinn vetur, en þá var haldinn svona dagur með þrautabraut og grillaðar pylsur á eftir. Ekki komnar dagsetningar

• Járninganámskeið í janúar

• Halda töltmót eins og haldið var í fyrravetur  í Söðulsholti, sem þóttist takast vel. Ekki komin dagsetning

Fundaherferð landsmótsnefndar sem heldur áfram í þessari viku.

Fundatímar eru eftirfarandi:

·         6. sept: Hvanneyri LBhÍ kl. 20:30

·         8. sept: Hvoll Hvolsvelli kl. 20:00

·         9. sept: Fákur Reykjavík kl. 20:00

·         13. sept: Arnargerði Blönduósi kl. 20:00

Námskeið í frumtamningu; Lengi býr að fyrstu gerð    

Í þessari námskeiðaröð verða kenndar þær aðferðir sem reynst hafa best til árangurs við fyrstu tamningu unghrossa. Samtvinnað verður aðferðum og æfingum úr reynslubanka Reynis Aðalsteinssonar og aðferðum sem byggja á vísindalegum athugunum atferlisfræðinga víða um heim. Þar á meðal reynum við að varpa ljósi á hvernig hesturinn skynjar hesturinn umhverfið og hvernig hann hugsar. Sá sem vill verða góður þjálfari verður fyrst að læra að skilja hvernig hestur hugsar.

Viðkomandi vinna með eigin hest og er kennt á föstudögum (kl. 13.00-19.00) og laugardögum (kl. 09.00-16.00)  í fimm skipti (með fyrirvara um breytingar). Kennslan er blanda af verklegri þjálfun, sýnikennslu og fyrirlestrum.

Leiðbeinendur: Reynir Aðalsteinsson tamningameistari og Gunnar Reynisson, starfsmenn LbhÍ.

Stund og staður: 7.-8. október, 21.-22. október, 11.-12. nóvember, 2.-3. desember og 16.-17. desember í Hestamiðstöð LbhÍ á Miðfossum (um 15 x 40 mín kennslustundir).

Verð: 89.000 kr

Skráningar:  endurmenntun@lbhi.is  eða í síma 433 5000 (fram komi nafn, kennitala, heimili og sími).

Staðfestingargjald: Staðfesta þarf skráningu með því að millifæra 20.000 kr (óafturkræft) á reikninginn 354-26-4237, kt. 411204-3590. Senda staðfestingu á netfangið endurmenntun@lbhi.is

Skráningarfrestur til 30. september!

Á stjórnarfundi í Landssambandi hestamannafélaga þann 12. ágúst síðast liðinn, var ákveðið að landsmótsnefnd sú er stofnuð var haustdögum 2010, færi út í hestamannafélögin í landinu til að kynna skýrslu sína, niðurstöður og umfjöllunarefni og svara fyrirspurnum fundarmanna.

Nefndin, sem fjallaði  um landsmótin í nútíð og framtíð, mun hefja fundaherferðina á Akureyri föstudaginn 2. september n.k.  Daginn eftir yrðu svo fundir á Egilsstöðum og Höfn í Hornafirði.

Í kjölfarið eru fyrirhugaðir samskonar kynningarfundir á Suðurlandi, í Reykjavík, á Vesturlandi og Norðvesturlandi vikuna eftir. Nánari tímasetningar og dagsetningar verða auglýstar eftir helgi.

Hér má skoða skýrslu nefndarinnar í heild sinni. Stjórn LH hvetur alla hestamenn til að kynna sér innihald skýrslunnar og koma af stað málefnalegum umræðum á fundunum sem næst þeim verða haldnir.

Í nefndinni sitja eftirtaldir einstaklingar:

Sveinbjörn Sveinbjörnsson formaður, skipaður af LH

Birgir Leó Ólafsson, skipaður af LH

Stefán Haraldsson, skipaður af LH

Sigrún Ólafsdóttir, skipuð af BÍ

Kristinn Guðnason, skipaður af BÍ

Auk fulltrúa nefndarinnar mun Haraldur Þórarinsson formaður LH koma á fundina. 

 Vesturlandssýning í Faxaborg, Borgarnesi, laugardinn 24. mars 2012

Vegna þess hve vel gekk að endurvekja Vesturlandssýningu í apríl síðastliðnum hefur verið ákveðið að endurtaka leikinn og stefnt er að því halda Vesturlandssýningu laugardaginn 24. mars 2012 í reiðhöllinni Faxaborg í Borgarnesi. Svo það er um að gera að taka daginn frá.

Ef áhugi er að vera með hross á sýningunni þá komið því endilega á framfæri.

Fyrir hönd Selás ehf.,
Eygló Hulda
eyglo.krossi@gmail.com

Til leigu 10-12 stíur (eins hesta) veturinn 2011-2011,  í hesthúsinu við reiðhöllina Faxaborg, Borgarnesi.    Stíurnar eru lausar strax en leigutími er að lágmarki fimm mánuðir.

Leiguverð er 18.825 með vsk fyrir stíuna á mánuði (hey og spónn ekki innifalið).  Áhugasamir hafi samband við mig í síðasta lagi 30/9 nk í gsm 860 2181 eða á netfangið lit@simnet.is

Nú er hægt að sækja miðana á N1 stöðvarnar.
Þeir fjölmörgu sem keyptu sér miða á netinur geta nú sótt armböndin sín á þá N1 bensínstöð sem tiltekin er á kvittuninni fyrir miðakaupunum. Stjórn Landsmóts ehf. vill vekja athygli á því að koma þarf með kvittunina með strikamerkinu til að fá armböndin afhent.

Landsmót Hestamanna 2011

Skagafirði

Hér koma helstu atriði varðandi vaktir á Landsmóti Hestamanna:

• Viðmiðið eru 10-20 vaktir á hestamannafélag, þó í samhengi við stærð félags og undirtektir félagsmanna. Ef áhugi er á fleiru vöktum er alveg sjálfsagt að skoða það.
• Það er ekki verra að fólk taki fleiri en eina vakt en það er hinsvegar ekki skilyrði.
• Vaktirnar eru á bilinu 6-10 klst.
• Styrkurinn er 1.500kr fyrir hverja unna klukkustund.
• Hestamannafélögin fá styrkinn fyrir vinnu félagsmanna greiddan til sín. Félögin halda svo annaðhvort styrkinum fyrir sig eða greiða einstaklingunum fyrir þeirra vinnu eftir mót.
• Miðað er við að starfsmenn hafi náð 18 ára aldri.
• Þau störf sem um ræðir eru meðal annars:    
• Stóðhesthús
• Móttaka hrossa
• Skrifstofa
• Upplýsingamiðstöð
• Hliðvarsla
• Fótaskoðun
• Kaffivaktin
• Ýmis vinna á svæði

Áhugasamir eru vinsamlegast beðnir um að hafa samband við Hugrúnu Ósk Ólafsdóttur í gegnum netfangið landsmothugrun@gmail.com.

Bestu kveðjur,

Hugrún Ósk Ólafsdóttir

GSM:868-4556