09.11.2014 12:19

Haustfundur Hrossvest

 

Haustfundur Hrossaræktarsambands Vesturlands
 

Haustfundur Hrossaræktarsambands Vesturlands verður haldinn í Hótel Borgarnesi sunnudaginn 23. nóvember n.k. og hefst kl. 14.00. Veitt verða verðlaun fyrir efstu kynbótahrossin í hverjum flokki og Ræktunarbú Vesturlands 2014 verður verðlaunað. Þá verður einstaklingum sem lagt hafa sitt af mörkum til félags og ræktunarstarfs í þágu hestamennskunnar á Vesturlandi veitt heiðursmerki Hrossaræktarsambandsins. Er þetta í fjórða sinn sem félagar eru heiðraðir.

Gestur fundarins verður Guðlaugur Antonsson, fyrrum hrossaræktarráðunautur, sem nú er starfsmaður Matvælastofnunar.  Hann mun fara yfir áherslur í starfi sínu á nýjum vettvangi.

Allir félagsmenn deilda eru vekomnir á fundinn og verður boðið upp á kaffiveitingar í tilefni 50 ára afmælis sambandsins þann 31. október síðastliðinn.

Stjórnin

 

 

 

 

08.11.2014 10:11

Lárus nýr formaður LH

Hlaut 88 atkvæði á Landsþingi


Lárus Ástmar Hannesson er nýr formaður Landssambands hestamannafélaga. Hann hlaut 88 atkvæði gegn 62 atkvæðum Stefáns Ármannssonar á framhaldsþingi LH sem fer nú fram í Laugardal. Auðir seðlar voru 4 talsins.

07.11.2014 12:55

Snæfellingur í formannsframboð

Í hóp formannsframbjóðanda LH hefur  Lárus Ástmar Hannesson gefið kost á sér.

Að vel ígrunduðu máli ákvað ég að gefa kost á mér til formanns Landsambands hestamannafélaga.  Ég tel að minn bakgrunnur úr hestamennsku og félagsmálum nýtist vel til starfsins.  Það er ákaflega mikilvægt að við hestamenn horfum í sömu átt fram á veginn öllum til hagsbóta.  Það eru forréttindi að hafa valið sér þann lífstíl sem fellst í því að njóta samvista við hesta og hestamenn. 

Ef ég fæ brautargengi sem formaður LH mun ég leggja mig fram, í samvinnu við það fólk sem velst í stjórn samtakanna, um að sameina krafta okkar allra svo við getum á sem bestan máta hlúð að hugðarefnum okkar hestamanna.

29.10.2014 11:13

Árshátíð hestamanna á vesturlandi.


 
Nú er ljóst að fjörið byrjar fyrir hádegi á laugardeginum 15. nóvember því þá verður Hrossaræktarsamband Dalamanna með folaldasýningu í reiðhöllinni í Búðardal. Svo verður stuttur tími til að fá sér næringu áður en við höldum inn að Laugum.
 
Dagskráratiðiðin verða þessi:
Folaldasýning Hrossaræktarsambands Dalamanna í reiðhöllinni í Búðardal kl. 11:00
Hótelgestir velkomnir að Laugum frá kl. 14:00
Söguganga kl. 15:30
Sundlaugin opin fyrir veislugesti kl. 17-19
Íþróttahúsið opið fyrir alls kyns sprikl
Borðtennis- og billjardaðstaða
Borðhald hefst kl. 20:00
Gunnar Björnsson, veislukokkur reiðir fram:
blandaða sjávarrétti á salatbeði í forrétt og lambafillet og kjúklingabringu í aðalrétt
Veislustjóri: Lárus Ástmar Hannesson
Skemmtiatriði
Hljómsveitin B4 frá Búðardal leikur fyrir dansi
 
Verð: 5.500 kr. fyrir mat og dansleik
Gisting: Sjá hér neðar á síðunni. Það er að verða fullt í gistingu í betri herbergin en ódýrari gisting er enn á boðstólum. Verðin þar skýrast á næstunni.
 
Við pöntunum taka:
Eyþór Jón Gíslason, 898 1251, [email protected]
Þórður Ingólfsson, 893 1125, [email protected] 
Pantið endilega sem fyrst en í síðasta lagi þriðjudaginn 11. nóvember
 
Athugið að ekki verða vínveitingar á staðnum

26.10.2014 18:36

Framundan hjá félaginu

Uppskeruhátíðin verður á Breiðabliki, föstudaginn 21. nóvember.

Folaldasýningin í Grundarfirð, laugardaginn 29 nóvember.

Auglýst betur þegar nær dregur. Takið dagana frá.

 

30.09.2014 10:55

Árshátíð hestamanna á Laugum

Árshátíð hestamanna á Vesturlandi Laugum í Sælingsdal 15. nóvember


Laugardaginn 15. nóvember næstkomandi ætla hestamenn af öllu Vesturlandi að hópast að Laugum í Sælingsdal til að gera sér glaðan dag. Dagskrá eftir hádegið á laugardeginum er í vinnslu og verður auglýst síðar en þó má nefna að hægt verður að komast í sund og að nota íþróttahúsið.

Veislumatseðill að hætti Gunnars Björnssonar:
Forréttur: Blandaðir sjávarréttir á salatbeði
Aðalréttur: Lambafillet – kjúklingabringa

Veislustjóri: Lárus Ástmar Hannesson

Hljómsveitin B4 leikur fyrir dansi
Helstu verð:
Matur og dansleikur: 5.500 kr.
Tveggja manna herbergi: 11.000 kr.
Eins manns herbergi: 8.000 kr.
Ódýrari gisting verður einnig í boði (wc frammi á gangi) og jafnvel gisting í óuppbúnum rúmum eftir því hvernig eftirspurnin verður.
Morgunverður: 1.500 kr.

Pantanir:
Eyþór Jón Gíslason, [email protected] eða 898 1251
Þórður Ingólfsson, [email protected]ða 893 1125

Það er um að gera að panta sem fyrst en pantanir þurfa að berast í síðasta lagi þriðjudaginn 11. nóvember.

Athugið að það verða ekki vínveitingar á staðnum.
Undirbúningshópurinn í Glað

23.09.2014 12:09

Heimsókn ungs hestafólks úr Snæfellingi til IPN Roderath

 

 

 

Þann 5. Ágúst 2014 lögðu 11 ungir hestamenn úr Snæfellingi í ferð til Þýskalands.  Ferðin var farin í tilefni af samstarfi Snæfellings og IPNR sem er Íslandshestafélag í þýskalandi með heimavöll í Roderath.  Þetta er í fjórða sinn sem unglingaskipti milli þessara félaga eiga sér stað. Tvisvar hafa ungir þýskir hestaunnendur komið í heimsókn og þetta var í annað sinn sem við förum utan.

Auk ellefu ungmenna voru tveir fararstjórar þau Nadine Walter og Lárus Ástmar Hannesson. Ferðalagið stóð frá 5. til 12. ágúst. Undirbúningur hafði staðið í rúmt hálft ár og höfðu ferðalangarnir staðið fyrir fjáröflunum sem hjálpaði til við að greiða kostnaðinn. 

Aldeilis höfðinglega var tekið á móti okkur og fengum við gistingu inná heimilum og var mjög góð dagskrá með einhverjum atburðum og eða heimsóknum á hverjum degi. 

Eftir að hópurinn kom í Nettersheim þriðjudaginn 5. ágúst beið okkar garð grillveisla að hætti þjóðverja, heima hjá fjölskyldunni Widdau, og komu gestgjafaforeldrarnir með meðlæti.

Á miðvikudeginum var farið með rútu í heimsókn til Styrmis Árnasonar sem er íslenskur hestamaður sem rekur stóran hestabúgarð. Styrmir hefur starfað í 24 ár í þýskalandi. Ákaflega fróðlegt var að sjá hvernig hestabúgarðurinn er rekinn og hvernig starfsemi er þar.  Má segja að Styrmir og hans fólk geri útá nánast alla þætti íslandshestamennskunar. Þar er reiðskóli og þar getur fólk fengið að hafa sína hesta gegn gjaldi og komið og riðið út þegar tími er til. Styrmir er einnig með eigin ræktun og selur og kaupir hesta. Mjög stór reiðhöll er á staðnum og einnig reiðvöllur auk þess sem lítil veitingarsala er á staðnum og fengum við þar hádegishressingu.

Eftir góða heimsókn til Styrmis var keyrt og skoðuð höllin Brühl og okkur gefin innsýn inní líf aðalsins á þessum tíma. Greinilegt er að ekkert hefur verið til sparað þegar aðallinn var annarsvegar og var fróðlegast að heyra að almúginn gat fengið að koma, nokkrir saman, og horfa á fólið borða í veislusalnum og að á þessum tíma var fólkið ekkert að fara mikið í bað heldur úðaði yfir sig Kölnarvatni (ilmvatn).

Á fimmtudeginum var öllum smalað uppá traktórskerru og við keyrð í klifurgarðinn.  Þar sýndu íslensku víkingarnir hvað í þeim býr og vakri sérstaka athygli að þrjár ungar dömur úr okkar hóp leystu erfiðustu þrautina sem var að klifra saman upp risavaxinn stiga sem náði um 10 metra upp. Þar reyndi á að hjálpast að því allir þurftu að komast alla leið upp.

Daginn eftir klifrið var ferðinni heitið í kúrekahestabúgarð. Þar fengu allir að prufa kúrekahest auk þess sem aðalknapi búsins sýndi okkur vel þjálfaða kúrekahesta. Þar voru bremsurnar heldur betur í lagi en eitthvað þótti sumum knöpunum vanta töltið og viljinn frekar þungur. Að öðru leiti eru kúrekahestar greinilega geðgóðir og þægilegir hestar.

Á laugardeginum fórum við með lest til Kölnar til að skoða Kölnardóminn sem er ótrúleg bygging. Flestir lögðu leið sína uppá topp kirkjunnar en það eru einungis 700 þrep uppá topp. Þegar þangað er komið er útsýnið yfir Köln frábært. Eftir heimsókn í Súkkulaðisafnið var öllum sleppt lausum í búðir og var ekki annað að sjá en það hafi verið nýtt vel.

Sunnudagurinn var svo fjölskyldudagur þar sem ungmenni eyddu deginum með sínum gestgjöfum. Mjög mismunandi var milli fjölskyldna hvað gert var.

Á mánudeginum var svo haldið með lest í Phantasíaland sem er ótrúlega stórt tívolí / skemmtigarður.  Þar var deginum eytt í mis æsandi tækjum og fundu allir eitthvað við sitt hæfi.

Þriðjudagsmorguninn þann 12. ágúst hittust allir aftur heima hjá fjölskyldunni Widdau og borðuðu saman morgunverð, sótthreinsuðu föt, viktuðu töskur, skvöldruðu og og áttum góða kveðjustund.

Það er óhætt að segja að ferðin hafi gengið mjög vel og allir komu heilir og glaðir heim fróðari um íslandshestaheiminn í Þýskalandi.

Á næsta ári munum við taka á móti ungu hestafólki frá IPNR og verður það gaman að kynna fyrir þeim hvernig íslenski hesturinn er í sínu upprunalega umhverfi.  Við munum kappkosta að setja saman góða dagskrá og taka sem flest þátt í henni.

Að lokum viljum við þakka gestgjöfum okkar frábærar móttökur og verður gaman að hitta ykkur á næsta ári á Íslandi.

 

15.09.2014 21:00

Kerrupróf

 

 

 

 

Kerrupróf – BE réttindi

Til að aka með stærri vagna þarf að afla sér BE rétt

inda en til þess þurfa viðkomand að vera orðin 18 ára og vera kominn með fullnaðarökuskírteini.

Námið skiptist í 4 bóklega tíma og 4 verklega. Próf eru síðan tekin hjá Frumherja í Reykjavík eða á Akranesi en greiða þarf sérstakt prófgjald sem er 10.300

Húsnæði Símenntunar í Borgarnesi

Haldið í október þegar næg þátttaka hefur næst.

Leiðbeinandi: Þórður Bogason ökukennari

Verð: 57.000

 

Skráning:  síma 437-2390  með  tölvupósti [email protected]

 

Munið eftir styrkjum úr fræðslusjóðum verkalýðsfélaganna

 

 

06.09.2014 16:47

Árshátið hestamanna 15 nóvember

Laugardaginn 15. nóvember næstkomandi ætla hestamenn á Vesturlandi að hópast að Laugum í Sælingsdal til að gera sér glaðan dag. Þar verður dagskrá frá því fljótlega upp úr hádegi með fróðleik og afþreyingu. Hægt verður að nýta sundlaugina, íþróttahúsið og aðra aðstöðu sem fyrir hendi er að Laugum. Um kvöldið verður kvöldverður, skemmtidagskrá, tónlist og dans.
 
Nóg gistirými er að Laugum fyrir þá sem það vilja, bæði fullbúin hótelherbergi og svefnpokapláss. Hægt verður að fá morgunverð á sunnudagsmorgninum.
 
Allt verður þetta auglýst mikið betur innan fárra vikna en undirbúningur er í fullum gangi. Nú þegar er um að gera að taka helgina frá fyrir góða samveru með nágrannafélögum okkar. Einnig væri gott ef þið, hestamenn í Dölum og á Vesturlandi öllu, vilduð vera duglegir að tala sem mest um þessa skemmtun hver við annan svo að stemning skapist fyrir góðri mætingu.

16.08.2014 11:16

Kvenna/karlareið

23 ágúst 2014 er dagurinn.

 

Kvenna/karlareið verður haldin á vegum Hesteigendafélags Grundarfjarðar.

Riðið verður um Eyraroddann, ferðin hefst hjá Halli Pálssyni á Naustum, þaðan verður riðin 9 km hringur um oddann og síðan 3 km að Vatnabúðum.

Skráning á [email protected]  síðasti skráningardagur er 21. ágúst

Dagskrá.

15:00 Allir búnir að leggja á eftir léttar veitingar og riðið verður af stað frá Naustum  konur réttsælis og karlar rangsælis um Eyraroddann.

16:00 Eftir eina áningu mætast hóparnir við fornar rústir, þar verða léttar veitingar  boðnar síðan halda hóparnir sýna leið.

17:00 Konur og karlar sameinast í einni fylkingu á Naustum  og ríða að Vatnabúðum, þar tekur Gunnar Jóhann (Hanni) á móti hópnum, grillið verður klárt og allir fá magafylli við hæfi

 

Fyrir þá sem vilja má benda á að víkingaklæðnaður er við hæfi í þessari ferð og mun fara fram val á   víkingapar í lok ferðar.

Girðing verður í boði á Vatnabúðum, einnig er öllum sem vilja velkomið að tjalda á svæðinu.

Mikilvægt er að skrá sig í reiðina til að hægt sé að áætla hversu mörgum lömbum þarf að slátra.

Þátttakendur hafi með sér þær veigar sem við hæfi er í slíka ferð og vandi sig við að ganga hægt en örugglega um gleðinnar dyr.

Þáttökugjald er kr 4.000 sem greiða þarf inn á reikning 0191-26-002320 kt. 690288-1689 staðfesting á greiðslu sendist á [email protected]

Þeir sem kjósa að skrá sig ekki og mæta beint í reiðina greiða 5.000 kr. áður en haldið er af stað.

10.08.2014 11:14

Bikarmót

Bikarmót Vesturlands
fer fram á Miðfossum laugardaginn 16. ágúst og hefst stundvíslega klukkan 10:00.

 
Dagskrá: 
Forkeppni:
Fjórgangur (V2) opinn flokkur, barnafl., unglingafl. og ungmennafl.
Fimmgangur (F2) opinn flokkur, ungmennaflokkur
Tölt (T3) barnaflokkur, unglingafl., ungmennafl. og opinn flokkur
Gæðingaskeið 
 
Úrslit:
Fjórgangur V2: opinn flokkur, barnafl., unglingafl. og ungmennafl.
Fimmgangur F2: opinn flokkur, ungmennaflokkur
Tölt barnaflokkur, unglingafl., ungmennafl. og opinn flokkur
100m skeið
Athygli er vakin á því að dagskrá er auglýst með fyrirvara um þátttöku í öllum flokkum.
 
Skráningar: (opið fyrir skráningu frá 6. ágúst).
Farið inn á þessa slóð: www.sportfengur.com og smellið á SKRÁNINGAKERFI vinstra megin á síðunni (fyrir neðan Login hnappinn, athugið að ekki á að logga sig inn á SportFeng
Á forsíðu skráningakerfisins er smellt á Mót í valmynd. Áframhaldið rekur sig sjálft, gætið þess bara að fylla í alla stjörnumerkta reiti (einnig félagsaðild þó sjálfgefið félag komi fram), fara svo í Vörukörfu að skráningu lokinni og að klára þar öll skref í ferlinu.
Ganga þarf frá greiðslu skráningagjalda með innlögn á bankareikning en þær upplýsingar 
koma fram í skráningarferlinu. Athugið að skráningin verður ekki virk fyrr en gjaldkeri hefur 
merkt við að greiðsla hafi borist.
Skráningargjald er kr. 2.500 í allar greinar, nema barnaflokk þar er gjaldið 1.500 kr. Síðasti 
dagur skráninga er miðvikudagurinn 13. ágúst á miðnætti og það sama gildir um greiðslu 
skráningagjalda. Netfang [email protected]  fyrir skráningargjöldin
Ef þið hafið einhverjar fyrirspurnir varðandi skráningu þá getið þið haft samband við:
Kristján Gíslason  [email protected]  simi: 898-4569
 
Mótanefnd Faxa

24.07.2014 00:24

Karla og kvennareið

 Laugardaginn 23. ágúst ætlar Hesteigendafélagið í Grundarfirði
að vera með Kvennareið Snæfellings og sína árlegu karlareið.
Riðið verður um Eyraroddann í Eyrarsveit,
þetta kvuð vera frábær reiðleið.
Hóparnir mætast á leiðinni og hittast svo í sameiginlegan kvöldverð.
Takið daginn frá og látið ykkur hlakka til.
Nánar auglýst síðar!

13.07.2014 14:23

Niðurstöðurnar frá Hestaþinginu

A FLOKKUR
Forkeppni
Sæti Hross Knapi Aðildafélag eiganda Einkunn
1  Atlas frá Lýsuhóli  Lárus Ástmar Hannesson   Snæfellingur  8,43 
2  Sörli frá Lundi  Guðlaugur Antonsson   Faxi  8,31 
3  Haki frá Bergi  Jón Bjarni Þorvarðarson   Snæfellingur  8,29 
4  Sprettur frá Brimilsvöllum  Gunnar Tryggvason   Snæfellingur  8,21 
5  Urð  frá Bergi  Jón Bjarni Þorvarðarson   Adam  8,19 
6  Skeggi frá Munaðarnesi  Guðni Halldórsson   Skuggi  8,07 
7  Maron frá Lundi  Guðlaugur Antonsson   Faxi  8,01 
8  Sunna frá Grundarfirði  Ólafur Tryggvason   Snæfellingur  7,97 
9  Lomber frá Borgarnesi  Axel Ásbergsson   Skuggi  7,89 
10  Hugi frá Hafnarfirði  Gyða Helgadóttir   Fákur  7,42 
41955  Sól frá Reykhólum  Lárus Ástmar Hannesson   Snæfellingur  0,00 
41955  Ábóti frá Söðulsholti  Halldór Sigurkarlsson   Snæfellingur  0,00 
A úrslit
Sæti Hross Knapi Aðildafélag eiganda Einkunn
1  Atlas frá Lýsuhóli  Lárus Ástmar Hannesson   Snæfellingur  8,69 
2  Haki frá Bergi  Jón Bjarni Þorvarðarson   Snæfellingur  8,60 
3  Sprettur frá Brimilsvöllum  Gunnar Tryggvason   Snæfellingur  8,54 
4  Sörli frá Lundi  Guðlaugur Antonsson   Faxi  8,41 
5  Urð  frá Bergi  Jón Bjarni Þorvarðarson   Adam  8,35 
B FLOKKUR
Forkeppni
Sæti Hross Knapi Aðildafélag eiganda Einkunn
1  Hrynur frá Hrísdal  Siguroddur Pétursson   Snæfellingur  8,83 
2  Hrafnkatla frá Snartartungu  Halldór Sigurkarlsson   Skuggi  8,27 
3  Fjöður frá Ólafsvík  Iðunn Svansdóttir   Snæfellingur  8,18 
4  Stormur frá Bergi  Jón Bjarni Þorvarðarson   Snæfellingur  8,17 
5  Stássa frá Naustum  Illugi Pálsson   Snæfellingur  8,16 
6  Sproti frá Hjarðarholti  Axel Ásbergsson   Skuggi  8,08 
7  Þokka frá Bergi  Jón Bjarni Þorvarðarson   Snæfellingur  8,05 
8  Roðaspá frá Langholti  Guðni Halldórsson   Skuggi  7,93 
9  Þór frá Saurbæ  Gísli Pálsson   Snæfellingur  7,86 
10  Kári frá Brimilsvöllum  Veronika Osterhammer   Snæfellingur  7,79 
11  Spurning frá Lágmúla  Gísli Pálsson   Snæfellingur  7,52 
12  Týr frá Brúnastöðum 2  Iðunn Svansdóttir   Snæfellingur  0,00 
A úrslit
Sæti Hross Knapi Aðildafélag eiganda Einkunn
1  Hrynur frá Hrísdal  Siguroddur Pétursson   Snæfellingur  9,06 
2  Hrafnkatla frá Snartartungu  Halldór Sigurkarlsson   Skuggi  8,57 
3  Fjöður frá Ólafsvík  Iðunn Svansdóttir   Snæfellingur  8,42 
4  Stássa frá Naustum  Illugi Pálsson   Snæfellingur  8,42 
5  Stormur frá Bergi  Jón Bjarni Þorvarðarson   Snæfellingur  8,37 
UNGMENNAFLOKKUR
Forkeppni
Sæti Knapi Hross Aðildafélag knapa Einkunn
1  Hrefna Rós Lárusdóttir    Hnokki frá Reykhólum Snæfellingur  8,37 
2  Maiju Maaria Varis    Gára frá Snjallsteinshöfða 1 Snæfellingur  8,11 
3  Sigrún Rós Helgadóttir    Kaldi frá Hofi I Skuggi  7,91 
4  Axel Ásbergsson    Hljómur frá Borgarnesi Skuggi  7,70 
A úrslit
Sæti Knapi Hross Aðildafélag knapa Einkunn
1  Hrefna Rós Lárusdóttir    Hnokki frá Reykhólum Snæfellingur  8,49 
2  Maiju Maaria Varis    Gára frá Snjallsteinshöfða 1 Snæfellingur  8,34 
3  Sigrún Rós Helgadóttir    Kaldi frá Hofi I Skuggi  8,26 
4  Axel Ásbergsson    Hljómur frá Borgarnesi Skuggi  7,84 
UNGLINGAFLOKKUR
Forkeppni
Sæti Knapi Hross Aðildafélag knapa Einkunn
1  Guðný Margrét Siguroddsdóttir    Reykur frá Brennistöðum Snæfellingur  8,36 
2  Inga Dís Víkingsdóttir    Sindri frá Keldudal Snæfellingur  8,20 
3  Róbert Vikar Víkingsson    Kórína frá Akureyri Snæfellingur  8,13 
4  Róbert Vikar Víkingsson    Mosi frá Kílhrauni Snæfellingur  8,03 
5  Harpa Lilja Ólafsdóttir    Hrókur frá Grundarfirði Snæfellingur  7,83 
6  Inga Dís Víkingsdóttir    Kolbrá frá Söðulsholti Snæfellingur  7,78 
7  Gyða Helgadóttir    Steinn frá Mið-Fossum Skuggi  7,71 
8  Fanney O. Gunnarsdóttir    Fífa frá Brimilsvöllum Snæfellingur  7,68 
9  Inga Dóra Sigurbjörnsdóttir    Frosti frá Hofsstöðum Snæfellingur  7,54 
A úrslit
Sæti Knapi Hross Aðildafélag knapa Einkunn
1  Guðný Margrét Siguroddsdóttir    Reykur frá Brennistöðum Snæfellingur  8,58 
2  Róbert Vikar Víkingsson    Mosi frá Kílhrauni Snæfellingur  8,43 
3  Inga Dís Víkingsdóttir    Sindri frá Keldudal Snæfellingur  8,36 
4  Gyða Helgadóttir    Steinn frá Mið-Fossum Skuggi  8,08 
5  Harpa Lilja Ólafsdóttir    Hrókur frá Grundarfirði Snæfellingur  8,07 
BARNAFLOKKUR
Forkeppni
Sæti Knapi Hross Aðildafélag knapa Einkunn
1  Tinna Guðrún Alexandersdóttir    Garpur frá Ytri-Kóngsbakka Snæfellingur  7,86 
2  Hafdís Lóa Sigurbjörnsdóttir    Lotning frá Minni-Borg Snæfellingur  7,71 
3  Fjóla Rún Sölvadóttir    Bliki frá Dalsmynni Snæfellingur  7,63 
4  Benedikt Gunnarsson    Snót frá Brimilsvöllum Snæfellingur  7,57 
5  Jason Jens Illugason    Fengur frá Grundarfirði Snæfellingur  7,37 
A úrslit
Sæti Knapi Hross Aðildafélag knapa Einkunn
1  Tinna Guðrún Alexandersdóttir    Garpur frá Ytri-Kóngsbakka Snæfellingur  8,42 
2  Benedikt Gunnarsson    Snót frá Brimilsvöllum Snæfellingur  8,20 
3  Fjóla Rún Sölvadóttir    Bliki frá Dalsmynni Snæfellingur  7,86 
4  Hafdís Lóa Sigurbjörnsdóttir    Lotning frá Minni-Borg Snæfellingur  7,78 
5  Jason Jens Illugason    Fengur frá Grundarfirði Snæfellingur

 7,63

 

C flokkur        
Forkeppni      
  Knapi Hestur  Aðildafélag Einkunn
1 Saga Björk Jónsdóttir Dimma frá Vesturholtum Snæfellingur 8,16
2 Nadine E. Walter Krummi frá Reykjólum Snæfellingur 7,84
3 4 Edda Þorvaldsdóttir  Gram frá Lundum Faxi 7,81
3 4 Margrét  Sigurðardóttir Baron frá Þóreyjarnúpi Snæfellingur 7,81
5 Inger Helana Arnljót frá Bergi Snæfellingur 7,73
6 Rut Leifsóttir Móses frá Fremri-Fitjum Snæfellingur 7,67
         
Úrslit        
  Knapi Hestur  Aðildafélag Einkunn
1 Saga Björk Jónsdóttir Dimma frá Vesturholtum Snæfellingur 8,37
2  Nadine E. Walter Krummi frá Reykjólum Snæfellingur 8,28
3 Edda Þorvaldsdóttir  Gram frá Lundum Faxi 8,12
4 Margrét  Sigurðardóttir Baron frá Þóreyjarnúpi Snæfellingur 8,02
5 Inger Helana Arnljót frá Bergi Snæfellingur 8,01
6 Rut Leifsóttir Móses frá Fremri-Fitjum Snæfellingur 7,80

 

Flettingar í dag: 488
Gestir í dag: 75
Flettingar í gær: 470
Gestir í gær: 49
Samtals flettingar: 86115
Samtals gestir: 8221
Tölur uppfærðar: 23.3.2023 21:46:07

Hestamannafélag

Nafn:

Snæfellingur

Afmælisdagur:

Stofndagur 2. desember 1963

Heimilisfang:

Hjá formanni hverju sinni

Staðsetning:

Snæfellsnes

Um:

.....Stjórn Snæfellings......... Herborg Sigurðardóttir, formaður Nadine Walter,ritari Ólafur Tryggvason, gjaldkeri Hlynur Þór Hjaltason Sölvi Þór Konráðsson

Kennitala:

440992-2189

Bankanúmer:

191-26-00876

Tenglar