Haustfundur Hrossaræktarsambands Vesturlands verður haldinn sunnudaginn 17. nóvember 2013 á Hótelinu í Borgarnesi.  Fundurinn hefst kl. 14.  Á fundinum verða verðlaunuð efstu kynbótahross í hverjum flokki auk þess sem kynbótabú Vesturlands verður verðlaunað.  Í þriðja sinn verða nú veittar heiðursviðurkenningar.

Gestir fundarins verða þau Guðlaugur Antonsson, hrossaræktarráðunautur BÍ en hann mun fara yfir hrossaræktina á árinu og Kristbjörg Eyvindsdóttir, hrossaræktandi sem mun fara yfir næstu skref í hrossaræktinni.

Hrossaræktendur, og aðrir þeir sem láta sig málin varða, hjartanlega velkomnir.

Bingó hjá Æskulýðsnefndinni í Fákaseli, þriðjudaginn 29. október kl. 17

Folaldasýning í Snæfellingshöllinni, sunnudaginn 17. nóvember kl 13

Sameiginleg skemmtun hestamanna á Vesturlandi, laugardaginn 30. nóvember á Hótel Stykkishólmi

Afmælisdagur Snæfellings verður haldinn hátíðlegur á Vegamótum 2. desember en þann dag á félagið 50 ára afmæli og þar var stofnfundurinn haldinn 

Bingó

verður haldið þriðjudaginn 29.október

frá kl. 17:00 til 19:00 í Fákaseli í Grundarfirði.

Bingóspjaldið kostar 500,- kr. Fjöldi vinninga í boði og pízzur á eftir.

Einnig verður stutt fræðsluerindi tengt vetraþjálfun hesta í upphafi bingókvöldsins.

Öll börn og unglingar sem hafa áhuga á hestum eru hjartanlega velkomnir.

Sjáumst hress, mætum öll !

Æskulýðsnefnd Snæfellings

http://fm.lhhestar.is/news/raslisti-tolt-17-ara-og-yngri/

Nú styttist óðum í að Fjórðungsmótið á Kaldármelum hefjist. Stefnir í mjög gott mót enda eru mun fleiri hross skráð til leiks nú en fyrir fjórum árum. Tæplega 200 hross eru skráð í gæðingakeppni og yngri flokka, um það bil 140 hross í tölt T-1, tölt T-3 fyrir 17 ára og yngri, A- og B- flokk stóðhesta og 100 M fljúgandi skeið. Þá eiga 73 kynbótahross rétt til þátttöku í mótinu og hefur verið staðfest að rúmlega 50 hross mæta til dóms. Þá verða sýningar frá 10 ræktunarbúum á laugardeginum. Er margt góðra og þekktra hrossa á meðal þáttakenda á mótinu þannig að búast má við hörku keppni.

Það eru góð tjaldstæði í fallegu umhverfi á Kaldármelum, og stutt í sundlaugar í Borgarnesi og á hótel Eldborg í Laugargerði. Á svæðinu verður veitingasala á vegum veitingastaðarins Ship-O-hoj, sölubásar, kvöldvökur, skemmtiatriði og dansleikir bæði föstudags- og laugardagskvöld þannig að allir eiga að geta látið fara vel um sig og átt góða daga á þessum fallega stað.

Dagskráin er birt með fyrirvara um breytingar.

http://fm.lhhestar.is/forsida/