Skráningu lýkur á miðnætti mánudaginn 15. febrúar.

Viðburðurinn Ískaldar töltdívur verður haldinn í Samskipahöllinni í Spretti laugardaginn 20. febrúar. Mótið er haldið til að efla konur til keppni í hestaíþróttum og styrkja um leið landslið Íslands í hestaíþróttum. Skráningu er á sportfeng og lýkur á miðnætti mánudaginn 15. febrúar!

Fjórir flokkar verða í boði og því ættu allar konur að finna sér styrkleikaflokk við hæfi:

· Opinn flokkur (T1)

· Meira vanar (T3)

· Minna vanar (T7)

· Ungmennaflokkur (T3)

·         Forkeppni í öllum flokkum

·         A-úrslit - 7 efstu eftir forkeppni fara í úrslit.

·         Sigurvegari opins flokks hlýtur þátttökurétt á Allra sterkustu 26. mars næstkomandi.

·         Vegleg verðlaun og aukaverðlaun frá Líflandi og Ásbirni Ólafssyni.

·         Landsmót hestamanna gefur 4 vikupassa sem dregnir verða úr hópi þeirra sem keppa í úrslitum.

·         Glæsilegasta parið valið af dómurum.

·         Skemmtiatriði í hléi

·         Veitingasala

·         Frábær stemning þar sem á annað hundrað metnaðarfullar hestakonur koma saman!

·         Frítt inn!

Landsliðsnefnd LH, dómarar, ritarar, þulir og aðrir starfsmenn gefa allir sína vinnu við viðburðinn til styrktar góðu málefni.

Vonumst til að sjá sem flesta!

Æskulýðsferð Snæfellings í hestaleikhúsið "Fákasel"

Laugardaginn 27. feb. n.k. ætlum við að gera okkur glaðan dag og
heimsækja Suðurlandið og hestaleikhúsið Fákasel ef næg þátttaka fæst.
Allir krakkar og unglingar Snæfellings eru hjartanlega velkomin. Við
ætlum að hópa okkur saman í einkabila og verðum mætt á Fákasel kl.
14:00. Byrjum á að fara í skemmtilega þrautabraut hjá þeim. Síðan tökum við
sundsprett í Hveragerði og mætum svo í Hamborgarahlaðborð aftur að Fákasel fyrir sýningu.
Kl. 19:00 hefst leiksýningin sem tekur um 45 mín. Við förum beint heim á eftir og
ættum þá að koma heim rétt um miðnættið.
Þrautabraut, sund, Hamborgarahlaðborðið og leiksýning kosta fyrir 13 til 18
ára  3.500,- Kr. Fyrir 6 til 12 ára kostar allt saman 1.000,- Kr. (+ aðgang í sund)
Fyrir fullorðna kostar hamborgarahlaðborðið og sýningin samtals 5.190,- Kr. (+ aðgang í sund)

Skráning er hjá Veronicu með e-mail:  brimilsvellir@isl.is