????????Reykjavík maí 2014
 
 
Ágæti hesteigandi,
 
Nú í sumar mun Æskulýðsnefnd Landssambands hestamannafélaga í samstarfi við FEIF alþjóðasamtök íslenska hestsins, halda hér á landi æskulýðsmót fyrir unglinga á aldrinum 14  - 17 ára. Mótið er haldið að Hólum í Hjaltadal dagana 11. – 20. júlí næstkomandi. Mótið sækja unglingar frá öllum aðildarlöndum FEIF og er haldið annað hvert ár í einhverju aðildarlandanna. Alls hafa 78 unglingar þátttökurétt og keppa þau sem koma erlendis frá á lánshestum.
 
Fyrstu tvo dagana eru keppendur að kynnast hestunum, síðan njóta þau tilsagnar þekktra þjálfara í þrjá daga, þá er farið í dagsferð um Skagafjörðinn og síðustu þrjá dagana keppa þau á hestunum, bæði í einstaklings og liðakeppni.
 
Okkur í æskulýðsnefndinni er mjög í mun að mótið takist sem allra best og höfum lagt vinnu í það að fá til liðs við okkur þekkta einstaklinga úr hestaheiminum til að þjálfa keppendur.
 
Með þessu bréfi viljum við athuga hvort þú búir svo vel að geta lánað/leigt okkur hest til að hafa á mótinu fyrir erlendu gestina okkar. Þátttakendurnir greiða að hámarki 150 € í leigu fyrir hestinn.
 
Hesturinn þarf að vera heilbrigður, örmerktur og skráður í Worldfeng. Þeir hestar sem henta í verkefnið þurfa að vera hreingengir, hlýðnir og tiltölulega auðveldir. Keppt er í hringvallagreinum, tölti, fjór- og fimmgangi ásamt skeiði, þrautabraut, víðavangshlaupi, fimi og fánakappreið. Hestarnir þurfa ekki að vera hágengir en að sjálfsögðu hjálpar það.
 
Þeir hesteigendur sem hafa hesta í verkefnið eru beðnir að senda upplýsingar á netfangið lh@lhhestar.is með smá lýsingu á hestinum og ISnúmer hans fyrir 30. maí nk. Við munum svo hafa samband með frekari upplýsingum.
Einnig er hægt að hafa samband við nefndarmenn æskulýðsnefndar LH en nöfn þeirra eru á heimasíðu LH www.lhhestar.is undir Æskan.
 
Með von um jákvæð viðbrögð.
 
Virðingarfyllst,
f.h æskulýðsnefndar LH
Helga B. Helgadóttir
formaður
 

Nýtt áskriftarár tekur gildi um mánaðarmótin n.k. Nýtt áskriftarár félagsmanna er frá 1. júní 2014 til 31. maí 2015.

Félagsmenn eru hvattir til að greiða félagsgjöldin til að halda áskriftinni, eftir 1. júní verður lokað á þá sem eiga eftir að greiða.

Aðalfundur Hrossaræktarsambands Vesturlands

  Verður haldinn 07. maí 2014 n.k. kl. 20.30 í Hótel Borgarnesi.

  Venjuleg aðalfundarstörf.

  Gestur fundarins verður Jens Einarsson sem mun fjalla um Ræktunartakmark ríkisins.  

  Stjórnin.

FT-Suður stendur fyrir skemmtilegri og léttri sýnikennslu á miðvikudaginn 30. apríl næstkomandi hjá Herði í  Mosfellsbæ.

Félagið langar að bjóða öllum börnum og unglingum í æskulýðsdeildum hestamannafélaga á sýnunguna.

Þrír útskrifaðir reiðkennarar frá Háskólanum á Hólum munu sýna leiðina að mýkt og léttleika, þær Christina Mai, Sina Scholz og Sjöfn Sæmundsdóttir.

Frábært tækifæri fyrir yngri kynslóðina að eiga góða stund saman!:)

Sýnikennslan hefst klukkan 19.30 og verður kaffisala á staðnum.

Kær kveðja,

FT-Suður

Opið íþróttamót

Mótið verður fimmtudaginn 1. maí
og hefst stundvíslega klukkan 10:00

Dagskrá:   

Forkeppni:

Fjórgangur V2 - opinn flokkur, barnafl., unglingafl. og ungmennafl.

Fimmgangur F2 -  opinn flokkur

                        Tölt T7 - barnaflokkur

Tölt T3 - unglingaflokkur, ungmennaflokkur og opinn flokkur

Pollaflokkur í reiðhöllinni - (9 ára og yngri), frjáls aðferð

         Úrslit:

                   Fjórgangur - opinn flokkur, barnafl., unglingafl. og ungmennafl.                       

                   Fimmgangur - opinn flokkur

                   Tölt - barnaflokkur, unglingafl., ungmennafl. og opinn flokkur

         100m skeið

Skráningar:

Þið farið inn á þessa slóð: www.sportfengur.com og smellið á SKRÁNINGAKERFI vinstra megin á síðunni (fyrir neðan Login hnappinn, athugið að ekki á að logga sig inn á SportFeng). Tengill á SportFeng er líka á heimasíðu Glaðs, undir Ýmsir tenglar hægra megin á forsíðu. Á forsíðu skráningakerfisins smellið þið á Skráning í valmynd og síðan á flipann Mót, áframhaldið rekur sig sjálft. Munið að fylla í öll atriði og að fara í vörukörfu í lokin til að fá upplýsingar um greiðslu skráningagjalda.

Ekki er hægt að skrá í pollaflokkinn inn á sportfeng, sendið tölvupóst á Þórð eða Svölu. Ekkert skráningargjald er í pollaflokk og allir fá viðurkenningu.

Ef einhver lendir í vandræðum með þetta er sjálfsagt að hafa samband við:

Svölu í 861 4466 eða budardalur@simnet.is

Þórð í 893 1125 eða thoing@centrum.is   

Ganga þarf frá greiðslu skráningagjalda með innlögn á bankareikning en þær upplýsingar koma fram í skráningarferlinu. Athugið að skráningin verður ekki virk fyrr en gjaldkeri hefur merkt við að greiðsla hafi borist!

Gjaldið er kr. 1.500 á skráningu. Síðasti dagur skráninga er þriðjudagurinn 29. apríl og það sama gildir um greiðslu skráningagjalda.

Hvetjum alla til að koma og fylgjast með skemmtilegri keppni!

Mótanefnd Glaðs

Opið hestaíþróttamót Snæfellings

Opna íþróttamót Snæfellings verður haldið í

Grundarfirði laugardaginn 26. apríl

Mótið hefst kl. 10:00

Dagskrá: 

Forkeppni

Fjórgangur: opinn flokkur,  2, flokkur, barna-, unglinga- og       ungmennaflokkur

            Fimmgangur:  opinn flokkur

Tölt: barnaflokkur unglingaflokkur, ungmennaflokkur, 2, flokkur, opinn flokkur.

Pollaflokkur, þar má teyma undir eða ríða sjálfur, allir fá þátttökupening. Skráning á staðnum.

Matarhlé

Úrslit

Fjórgangur: opinn flokkur,  2, flokkur, barna-, unglinga- og       ungmennaflokkur

            Fimmgangur: opinn flokkur

Stutt hlé

Tölt: barnaflokkur unglingaflokkur, ungmennaflokkur, 2, flokkur, opinn flokkur.

            Skeið 100m

Mótanefndin

ÆSKULÝÐSDAGUR

verður haldin sunnudaginn 27. april 2014  kl. 14:00 í Grundarfirði

                                      Dagskrá:

Börn á öllum aldri verða teymd í reiðhöllinni

Létt Þrautakeppni í reiðhöllinni fyrir minna vana (hestar á staðnum)

„Fun cup“ fyrir meiri vana börn, unglinga og ungmenni á hringvellinum . Við hvetjum krakkana sem fara á vegum Snæfellings til Þýskalands í sumar sérstaklega til að taka þátt !

         Keppt verður í eftirfarandi greinum:

• Mínututölt (sá vinnur sem fer á tölti hringin á sem nákvæmast einni mínutu)
• lopapeysan (liðakeppni: 2 saman í liði með lopaband á milli sín sem má ekki slitna)
• Kappreið á öllum gangi (4 saman í liði með 1 fjórgangshest, 2 lið keppa á sama tíma á beinni braut og hver keppandin á einni gangtegund (fet, brokk, tölt og stökk)

Kaffi, djús, skúffukaka og muffins fyrir 500,- Kr.

Mætum öll og höfum gaman með hestunum !

Æskulýðsnefnd Snæfellings

Opið íþróttamót Snæfellings

í Grundarfirði

laugardaginn 26. apríl kl. 10

Opið  fyrir skráningar og verður opið til 22. apríl

-Barnaflokkur -

V2( fjórgangur 2 eða fleiri inn á vellinum í einu), 

T3 (tölt 2 eða fleiri inn á vellinum í einu).

-Unglingafl. -

V2 (fjórgangur 2 eða fleiri inn á vellinum í einu), 

T3 (tölt 2 eða fleiri inn á vellinum í einu).

-Ungmennafl. - 

 V2 (fjórgangur 2 eða fleiri inn á vellinum í einu),

T3 (tölt 2 eða fleiri inn á vellinum í einu).

-2.flokkur. - 

V2 (fjórgangur 2 eða fleiri inn á vellinum í einu), 

T7 (tölt 2 eða fleiri inn á vellinum í einu, Hægt tölt snúið við frjáls ferð á tölti). 

Þessi flokkur er ætlaður þeim sem eru lítið keppnisvanir eða eru að hefja keppnisferilinn.

-Opinn flokkur -

 V1,(fjórgangur)

 F1,(fimmgangur)

 T1,(tölt)  einn inn á vellinum í einu í öllum greinum í opna flokknum.

Gæðingaskeið

Gæðingaskeið  er háð þátttöku og þarf lágmark fimm skráningar.

 100 m skeið

Pollaflokkur 9 ára og yngri verður í hádegishléinu og allir fá viðurkenningu

skráning á staðnum í Pollaflokkinn

Skráningar:

Farið inn á þessa slóð: www.sportfengur.com og smellið á SKRÁNINGAKERFI vinstra megin á síðunni (fyrir neðan Login hnappinn, athugið að ekki á að logga sig inn á SportFeng). Á forsíðu skráningakerfisins er smellt á Skráning í valmynd og síðan á flipann Mót. Áframhaldið rekur sig sjálft, munið bara að skrá einnig upp á hvora hönd þið þið ætlið að ríða og að fara í Vörukörfu að skráningu lokinni og að klára þar öll skref í ferlinu.

Ganga þarf frá greiðslu skráningagjalda með innlögn á bankareikning en þær upplýsingar koma fram í skráningarferlin. Athugið að skráningin verður ekki virk fyrr en gjaldkeri hefur merkt við að greiðsla hafi borist! Gjaldið er kr. 2500 á skráningu fyrir fullorðinn og 2000 kr á yngri flokkana. Síðasti dagur skráninga er þriðjudagurinn 22. apríl á miðnætti og það sama gildir um greiðslu skráningagjalda. Ekki verður hægt að skrá eftir að skráningafrestur rennur út.

Skráningakerfið - leiðbeiningar

Það er búið að útbúa kennslumyndband þar sem farið er í gegnum skráningu á mót með skráningakerfi okkar hestamanna. Myndbandið er hér.

Kveðja Mótanefnd Snæfellings

Þar sem innsláttarvilla er í netfanginu í Auglýsingunni um þrígangsmótið hafa engar skráningar skilað sér til Ásdísar og byðjumst við velvirðingar á því og byðjum alla að skrá sig aftur á netfangið asdissig67@gmail.com Ráslistar verða síðan birtir eins fljótt og auðið er.

Kveðja stjórnin

Eftirfarandi reglur voru samþykktar á síðasta aðalfundi.

Reglur um viðurkenningar á kynbótahrossum í Snæfelling.

1.grein

Veitt skulu viðkenningar til félagsmanna sem eru ræktendur að 4,5,6 og 7 vetra og eldri stóðhesta og hryssa sem fædd eru á félagssvæðinu.

2.grein

Viðurkenningar til ræktunarbús þarf að lámarki tvö dæmd hross á árinu og skal miða við aldurleiðrétta dóma, séu bú jöfn að einkunn gildir fjöldi dæmdra hrossa.

3.grein.

Viðurkenningar eru veittar þeim félagsmanni/mönnum sem eru í félaginu þegar dómur á hrossinu fer fram. Viðurkenningar eru einungis veittar skuldlausum félagsmönnum.

Reglur um knapaviðurkenningar.

1.grein

Við val á Hestaíþróttamanni  Snæfellings skal taka mið af árangri í íþrótta- og gæðingakeppni og kynbótasýningum. Við valið koma einungis þeir til greina sem eru skuldlausir við félagið og samþykktir á aðalfundi. Stjórn skal setja sér vinnureglur umg nánara val.

     2. grein.

Knapaverðlaun til barna, unglinga og ungmenna má veita þeim sem hefur staðið sig vel á mótum, stjórn hefur um þetta frjálsar hendur hverjir skulu fá viðurkenningar.

Til að eiga rétt á að mæta í úrtöku.

Til að geta tekið þátt í úrtöku á vegum Snæfellings þarf eigandi hestsins að vera  skráður í félagið síðasta lagi 15. apríl árið sem úrtakan fer fram.  Hestur skal einnig vera skráður í eigu félagsmanns fyrir þann tíma. Ef hestur er í eigu fyrirtækis þarf þá aðaleigandi fyrirtækisins að vera í Snæfellingi.

Æskulíðsdagurinn þann 27. apríl í Grundarfirði eftir hádegi

nánari dagskrá er í vinnslu og verður gefið út síðar

"Takið daginn frá"