Hestamannafélagið Snæfellingur

03.02.2011 20:51

Námskeið

Ertu í vandræðum með hestinn þinn????

Er hann stressaður, stífur, latur, leiðinlegur í beisli, vill ekki brokka eða vill ekki tölta, er hann bundinn á tölti, hoppandi upp á fótinn, viltu komast hraðar á tölti eða æfa hæga tölti, stökk, eða fimiæfingar????

Hvað sem vandamálið er þá er alveg pottþétt til lausn á vandanum ;0) svo heppilega vill til að hinn eini sanni Magnús Lárusson er að koma 12-13 febrúar og verður með reiðnámskeið hjá okkur, námskeiðið hentar jafnt minna sem meira vönum, byrjendum sem atvinnumönnum.

Og það er alveg öruggt að Maggi er með svör og ráð við öllum vandamálum sem tengjast hrossum.;0)

Námskeiðið kostar 20.000 helgina og er innifalið hádegismatur og kaffi,kennt er í 4 manna hópum og hver hópur er tekinn 4 sinnum yfir helgina og svo 2 bóklegir tímar líka.

Með kveðju

Dóri og Iðunn.

Söðulsholt

311 Borgarnes

sodulsholt@sodulsholt.is

s:8995625

03.02.2011 11:50

Hesteigendafélag Grundarfjarðar

Heimasíðan hjá Hesteigendafélagi Grundarfjarðar.

http://fakasel.123.is/

01.02.2011 14:22

KB mótaröðin

Þann 5. febrúar næstkomandi verður 1. mót KB mótaraðarinnar haldið. Mótið er opið öllum sem áhuga hafa.

Liðakeppni (Lágmark 3 í liði - Opin keppni) - Einstaklingskeppni (Opin keppni)

5. Febrúar Fjórgangur, 26. feb. Gæðingakeppni (A-og B-flokkur), 19.mars Tölt og fimmgangur

Skráningar berast fyrir kl. 22:00 miðvikudaginn 2. feb á netföngin: hrafnhildurgu@torg.is, nem.birnat@lbhi.is eða í s. 691-0280 og 699-6116. Eftirtalið þarf að koma fram í eftirfarandi röð:. Flokkur, Kt.knapa, Knapi, Is númer hests, Hestur, Aldur hests, Litur, Hönd, Lið (ef keppt er í liðakeppni)Ef einstaklingurinn ætlar að vera í liði þarf auk þess að skrá fyrir hvaða lið keppt verður. Öll mótin hefjast kl. 12:00. Skráningargjald er: 1.500.kr fyrir ungmenni, opin flokk, meira keppnisvanir og minna keppnisvanir. (færri en 20 keppnir að baki). 1.000 kr. fyrir annan hest, börn og unglinga.

Keppnisflokkar: Ungmenni, Opin.flokkur, Meira keppnisvanir, minna keppnisvanir, börn og unglingar. Skráninargjald greiðist inn á reikning 0326 - 13 - 004810, kt.481079-0399. í síðasta lagi fimmtudaginn 3. feb. annars verður viðkomandi ekki settur á ráslista. Sendið kvittun á helga.bjork@simnet.is (fram þarf að koma nafn knapa og hests).

Allar nánari upplýsingar um reglur og ef einhverjar fyrirspurnir eru varðandi mótið er fólki bent á facebook síðu KB-mótaraðarinnar.

Reglur !!!

Efstu 3 sætin fá stig - einkunir úr forkeppni eru metin til stiga.

Bónusstig úr úrslitum - efstu þrír knapar í hverju liði fá auka bónusstig.

1. sæti =10 stig

2. sæti = 8 stig

3. sæti = 6.stig

4. sæti = 4.stig

5. sæti = 2.stig

6-10. sæti = 1.stig

1. Ótakmarkaður fjöldi í hverju liði.

2. Taka þarf fram við skráningu fyrir hvaða lið keppt verður. Ef keppandi ætlar á annað borð að vera með í liði er ekki hægt að skrá á mótsstað. (Ekki nauðsynlegt að vera í liði!!)

3. Hvert lið þarf að hafa sitt sérkenni.

4. Ef skráningar eru fleiri en 20 í hverjum flokk verða haldin B-úrslit.

5. Í stigakeppni gilda tvö mót af þremur.

6. Ef færri en 5 keppendur eru skráðir í einhvern flokk fellur hann niður og þeir knapar færast upp um flokk.

Mótaröðin fer fram í reiðhöllinni í Borganesi og er haldin á vegum hestamannafélaganna Faxa og Skugga

30.01.2011 22:58

Folaldasýningin

Úrslit folaldasýningarinnar og myndir inná http://sodulsholt.is/frettir.html

30.01.2011 22:47

Stóðhestar 2011

Stóðhestarnir óðum að koma inn á heimasíðuna

Þessa dagana eru samningar um stóðhestana að koma í hús og verða margir spennandi hestar í boði hjá HROSSVEST þetta árið. Reiknað er með að allir samningar verði komnir í hús um miðjan febrúar en hestarnir koma inn á heimasíðuna jafnóðum og samningar liggja fyrir. Vonast er til að hægt verði að opna fyrir pantanir um, eða upp úr, miðjum febrúar.

Endilega kíkja á síðuna, http://www.hrossvest.is/

http://www.mast.is/upplysingar/hestamenn/smitandihostiihrossum

27.01.2011 07:27

Smitandi hósti í hrossum

Grein frá Mast um Smitandi hósta í hrossum, endilega að lesa.

23.01.2011 12:31

Folaldasýning

Folaldasýning 2011.

Laugardaginn 29. Janúar, kl. 13:00 ætlum við, í Söðulsholti, í samstarfi við Snæfelling að vera með folaldasýningu í Söðulsholti. Hver skráning kostar kr. 1.000 og hægt er að skrá hjá Einari í síma 899-3314 eða með tölvupósti til: einar@sodulsholt.is. Sýningin er öllum opin . Gefa þarf upp nafn og fæðingarnúmer folalds, lit, fæðingarstað, föður, móður, ræktanda og eiganda. Keppt verður í kynjaskiptum flokkum og svo velja gestir fallegasta folaldið.

Skráningargjald greiðist inn á reikning 0354-26-3970, kt. 271235-4539. Síðasti skráningardagur er fimmtudagur 27. Janúar.

Aðgangseyrir er kr. 1.000 á mann, sem greiðist við inngang í reiðufé, enginn posi. Innifalið í því eru kaffiveitingar- frítt fyrir börn 12 ára og yngri. Auðvitað vonumst við til að sjá sem flesta og góð hugmynd að gestir hafi með sér létta tjaldstóla til að geta hvílt lúin bein.

Hér er mynd af Dökkva frá Dalsmynni, sem vann í fyrra hestaflokkinn og áhorfendaverðlaunin

17.01.2011 20:02

Ótitlað

Fulltrúar hestamannafélaga á Vesturlandi og Hrossaræktarsambandi Vesturlands hafa ákveðið að efna til Vesturlandssýningar í reiðhöllinni Faxaborg, Borgarnesi, laugardaginn 26. mars 2011 kl. 20:00. Má segja að um sé að ræða tilraun til að endurvekja sýningar sem voru haldnar fyrir allt of löngu síðan af Vestlendingum í Víðidalnum og í Kópavogi.

Ætlunin er að sýna fram á og sanna að Vestlendingar eigi góðan og frambærilegan hestakost og hestafólk - jafnt unga sem aldna.

Þess er óskað að allir þeir sem hafa ábendingar um atriði sem eiga heima á sýningu sem þessari komi ábendingum á framfæri við þessa aðila:

Ámundi Sigurðsson amundi@isl.is gsm 892 5678

Baldur Björnsson baldur@vesturland.is gsm 895 4936

Stefán Ármannsson stefan@hroar.is gsm 897 5194 (aðallega tengiliður varðandi kynbótahross)

Þessir menn munu síðan væntanlega fá fleiri til liðs við sig til að velja sýningaratriði og jafnvel fá aðila til að sjá alfarið um ákveðin atriði.

Nú er áríðandi að allt hestafólk á Vesturlandi sameinist nú og sýni að á svæðinu séu góð hross og gott hestafólk.

Kveðja

f.h. Seláss ehf. (rekstraraðila Faxaborgar)

12.01.2011 10:16

KB Mótaröðin 2011

Dagskrá;
5. feb. Fjórgangur
26. feb. Gæðingakeppni (A-og B-flokkur)
19.mars Tölt og fimmgangur

KB-mótaröðin er opin liða- og einstaklingskeppni í hestaíþróttum sem haldin er á vegum hestamannafélaganna Faxa & Skugga í reiðhöllinni Faxaborg í Borganesi.

Fyrir þá sem ætla sér að vera með í liðakeppninni, þá þarf hvert lið að hafa sitt sérkenni og verða sérstök verðlaun veitt því liði sem þykir hafa sýnt skemmtilegustu liðsheildina. Auk þess verða 3 stigahæstu liðin verðlaunuð í lokin.

Gunnhildur Birna Björnsdóttir sá um að taka myndir af KB mótaröðinni veturinn 2010 og er hægt að skoða myndir á tenglinum hér að neðan.
http://picasaweb.google.com/gunnhildurbirna

Samantekt frá síðastliðnum vetri.
Þátttaka á mótin var mjög góð og ljóst er að þessi mótaröð hefur orðið til að efla mjög keppnis- og félagsanda hestamanna í Borgarfirði og Vesturlandi, því þátttakendur komu víða að og áhorfendur voru fjölmargir á öllum mótunum. Höllin góða, Faxaborg hefur gert þetta mögulegt og mun hún án efa spila stórt hlutverk í vestlenskri hestamennsku á næstu árum.

Á síðasta mótinu réðust úrslit í liða- og einstaklingskeppni og mátti glöggt finna spennu í höllinni þegar leið á forkeppni og ekki síður í úrslitum. Létu þar áhorfendur mjög til sín taka við að hvetja liðsfélaga áfram.

Til að kóróna verðlaunaflóðið "ruddi" Gunnar Halldórsson bóndi í Þverholtum sig og keypti laglegan farandbikar handa vinsælasta knapanum. Það voru áhorfendur sem völdu knapann og í þetta sinn kom hann í hlut Gyðu Helgadóttur á Mið-Fossum.

Liðakeppnin á stóran þátt í því hversu mikill áhugi var fyrir þessari mótaröð og voru margir sótraftar á flot dregnir til að styrkja einstök lið og tryggja dýrmæt stig. Liðakeppnina og stigaútreikninginn má útfæra á ýmsan hátt og ekki víst að hann verði eins á komandi mótaröð en það verður nánar auglýst síðar. Andinn er þannig að nú stefna menn fram, harðákveðnir í að gera þetta enn gæsilegra og enn skemmtilegra í ár.

Vonumst til að sjá sem flesta á komandi mótaröð!!
Mótanefnd Faxa & Skugga.

10.01.2011 22:55

Ótitlað

Kviða frá Brimilsvöllum.

1V merin Kviða is1999237405 frá Brimilsvöllum ræktandi Tryggvi Gunnarsson,

Eigendur Gunnar og Veronica Brimilsvöllum B 7,91 H 8,14
Faðir, Hrafn frá Brimilsvöllum

Móðir, Kvika frá Hamraendum

10.01.2011 22:40

Sýnikennsla

Mette Moe Mannseth

Sýnikennsla með Mette Moe Mannseth verður í reiðhöllinni Faxaborg í Borgarnesi laugardagskvöldið 15. Janúar n.k. kl. 18.30 Aðgangur aðeins 1500kr.

Mette er óþarft að kynna sérstaklega, hún hefur náð frábærum árangri í bæði sýningum og keppni, með fallega og vel þjálfaða hesta.

Þetta er önnur sýnikennslan sem hún heldur að þessu sinni í Faxaborg. Það verður fræðandi og gaman að sjá hvernig hún heldur áfram að sýna okkur þær aðferðir sem hún notar við þjálfun og uppbyggingu sinna hesta.

Það er tilvalið nú í byrjun vetrar að rifja upp, læra nýjar aðferðir og fá hugmyndir um þjálfun á hestunum okkar. Hvetjum allt áhugafólk um þjálfun hesta og reiðmennsku að láta þetta tækifæri ekki fram hjá sér fara.